 |
| بريز رئيس ريال مدريد |
أعلن نادي ريال مدريد الإسباني باللي ناوي يطالب بـ تعويضات مالية كبيرة من الاتحاد الأوروبي لكرة القدم (اليويفا)، من بعد ما صدر حكم قضائي لصالحو فـ قضية دوري السوبر الأوروبي اللي دارت بزاف ديال الجدل.
وقال النادي الملكي فـ بيان رسمي، بلي محكمة مدريد الإقليمية رفضات الطعون اللي قدمهم "اليويفا" والجامعة الإسبانية لكرة القدم والرابطة ديال الدوري الإسباني (لا ليغا)، وأكدات بلي اليويفا خرق بجدية القوانين ديال المنافسة الحرة فـ الاتحاد الأوروبي حيت استغل الموقف القوي ديالو باش يمنع البطولة، وهادشي كيتماشى مع الحكم ديال محكمة العدل الأوروبية اللي خرج فـ شهر ديسمبر 2023.
ريال مدريد كي طالب بتعويضات كبيرة من بعد ما ربح اليويفا.
ريال مدريد كان واحد من 12 نادي اللي أسسو مشروع دوري السوبر الأوروبي اللي تعلن عليه فـ أبريل 2021، واللي كان فلورنتينو بيريز، رئيس النادي، هو المهندس الرئيسي ديالو، قبل ما يطيح المشروع دغيا من بعد احتجاجات كبيرة من الجماهير، خصوصًا الجماهير ديال الأندية الكبيرة ديال إنجلترا الستة.
وكيما قالت جريدة "إندبندنت"، سبق لـ "اليويفا" و "الفيفا" حاولو يعرقلوا إقامة البطولة، و هددو بـ عقوبات على الأندية المشاركة، ولكن محكمة العدل الأوروبية شافت بلي القواعد اللي استخدمها "اليويفا" باش يحظر البطولة كتخالف القوانين ديال الاتحاد الأوروبي، واخا الاتحاد اعتمد من بعد قوانين جديدة فـ 2022 كيعتقد بلي متوافقة مع القانون الأوروبي.
وجا فـ البيان ديال ريال مدريد اللي تنشر اليوم الأربعاء: "النادي فرحان باش يعلن القرار ديال محكمة مدريد الإقليمية برفض الطعون اللي قدمهم "اليويفا" والجامعة الإسبانية ولا ليغا، مؤكدة باللي الاتحاد الأوروبي لكرة القدم، فـ قضية السوبر ليغ، خالف قوانين المنافسة الحرة فـ الاتحاد الأوروبي حيت أساء استخدام الموقع القوي ديالو."