وجه مدرب الوداد الرياضي، محمد أمين بنهاشم، مجموعة من النصائح والتوصيات للاعبي الفريق قبل ساعات قليلة من انطلاق الديربي الليلة ضد الرجاء، فمركب محمد الخامس فالدار البيضاء.
وحسب مصدر لموقع "سيت أنفو"، بنهاشم شدد على ضرورة الابتعاد عن الضغط، خصوصاً اللي كيجيو من وسائل التواصل الاجتماعي والتوقعات اللي كتدور حول الماتش، سواء من الجماهير أو الإعلام.
المدرب طلب من اللاعبين ما يعطيوش أهمية زايدة للكلام الخارجي، ويركزو فقط على الميدان، ويتعاملو مع الديربي بحال أي ماتش عادي باش يبقاو مركزين ويقدمو أحسن أداء.
الوداد غادي يواجه الرجاء الليلة فـ"الكلاسيكو البيضاوي" المؤجل عن الجولة الخامسة من البطولة الوطنية، فماتش كيتسنى فيه الجمهور المغربي كامل بزاف ديال الإثارة والحماس. ⚽🔥