وصل النجم المغربي حكيم زياش لمدينة الدار البيضاء، وبدات كيتداولو فالسوشيال ميديا مقاطع فيديو كيتأكد فيها تواجدو فواحد الفندق فالعاصمة الاقتصادية.
الفيديو باين فيه زياش واقف حدّ طاكسي حمرا، وكيتصوّر باش يدير الفيديو الإعلاني ديالو كلاعب جديد فالوداد الرياضي.
جماهير الوداد تفاعلات بزاف مع هاد اللقطات، والفرحة كانت كبيرة فالتعاليق، حيث كلهم متحمسين يشوفو الفيديو الرسمي للإعلان على انضمام زياش للفريق الأحمر.
ومن المرتقب أن زياش يحضر اليوم فمدرجات دونور فماتش الديربي بين الوداد والرجاء، ولكن التقديم الرسمي ديالو غادي يكون نهار الأحد الجاي فلقاء الوداد ضد اتحاد طنجة.