أكدات جريدة "المنتخب" أن حكيم زياش وصل لمدينة الدار البيضاء البارح بالليل (الثلاثاء)، وحط فمطار محمد الخامس، وراه كيتوجد باش يتقدم رسميا عبر الصفحة الرسمية ديال الوداد. التقديم ديالو غادي يكون فماتش الوداد ضد اتحاد طنجة اللي غادي يتلعب نهار الأحد الجاي فإطار الدورة السابعة من البطولة.
وتأكد لينا حتى أن المكتب المديري ديال الوداد، برئاسة هشام آيت منا، غادي يقدم زياش رسميا غدا الخميس فالصفحات الرسمية ديال النادي.
وكان مقرر يحضر زياش ماتش الديربي اليوم الأربعاء، ولكن الوداد فضّل يأجل التقديم ديالو حتى الغد باش يكون رسمي، خصوصا من بعد ما وقّع العقد ديالو فباريس بحضور الرئيس هشام آيت منا، فصفقة كتعتبر الأغلى فتاريخ البطولة الاحترافية.